125. නන්දුට ලියුමක්

ආදරණීය නන්දු ,

මිනිස්සු ආදරේ කියනකොට ඇස් නොදිලිසෙන්න පුළුවන් ඒත් මිනිස්සු ආදරෙන් පරදිනකොට ඒ මිනිස්සුන්ගේ ඇස් නිතරම කතා කරන්න ගන්නවා , කතා කර ගන්න බැරුව වෙව්ලලා ගොත ගහන්න ගන්නවා.. ඒ ඇයි දන්නවද? ඒ වෙනකොට ඒ මිනිස්සු තමන්ගේ ආදරේට හදවතේ හරි වටිනාකම දීලා  ඉවර නිසා. මන් මගේ ඇස් දෙකෙන් මිනිස්සුන්ට එහෙම වෙනවා දැකලා තියෙනවා...

             තේරුම් කිරීම ගණනාවක පස්සේ මිනිස්සුන්ට තව දුරටත් ඒ තේරුම් කිරිම විහිළුවක් උනාම , ඒ දැනෙන හැඟීම් , දැනීම් නික්මයෑම්, දරා ගැනීම් මිනිස්සු, මිනිස්සුන්ව වැටෙන්න නොදී අල්ල ගන්නේ කොහොමද කියලා, අපි රෑ එලි වෙනකම් කතා කරලා තියෙනවා ඒත් මම හැම වෙලේම ඔයාට කිව්වේ

,

 "ආදරේ මිනිස්සු ඔයාට වැටෙන්න දෙන්නේ නෑ "කියලා 

"ආදරේ නම් හෙන ගැහැව්වත් ඉන්නවා "කියලා.

"ආදරේ නම් කවදාවත් ඔයාට රිදෙනවට කැමති නෑ "කියලා

ඔයාට මතකද? ඔයා මට විහිළු කලා පොත් වල තියෙන දේවල් සැබෑ ජීවිතේ වෙන්නේ නෑ කියලා.

                     ඇත්ත, ඔයා හරි සමහර පොත් වල ලියන දේවල් අපේ සැබෑ ජීවිතේ වෙන්නේ නෑ , පොත් වගේ මිනිස්සු අපිට අහම්බෙන් හම්බෙන්නේ හරියට අපි දෙන්නට දෙන්නා හම්බුනා වගේ,

ඉතින් අහන්නකෝ.....

                   මිනිස්සුන්ගේ  ජිවීතේ සමහර දරා ගැනීම් අත හැරිම් තියෙනවා ඒවා හරියට පොල්ලෙන් ගැහැව්වා වගේ අවුරුදු ගානක් ගියත් ඒ වැදුන පොලුපාර නිසා දැනුන ඔල්මාද ගතිය නොයන, මිනිස්සු බැඳීම් හදා ගත්ත ලගම දේවල් නැති උනාම මිනිස්සුන්ට  ට්‍රැක පනිනවා, 

කඳු වගේ මිනිස්සු නාය යනවා.... 

ගල් පර්වත වගේ අය පැලිලා බිම වැටෙනවා. 

ගඟවල් වගේ මිනිස්සු හිදිලා යනවා. 

ගස් වගේ මිනිස්සු මැරිලා යනවා..

පොත් වගේ මිනිස්සු සඳහටම අතුරුදහන් වෙනවා

ඒක ඔයයි,මමයි දෙන්නම අත් විදලත් තියෙනවා

ඉතින් නන්දු,

ඔයාගෙයි මගෙයි විතරක් නෙවේ හැම මනුස්සයෙක්ගෙම ජීවිතේ බොහොම කෙටී.....

ඉතින් ලැබෙන හැම තත්පරේම ආදරේ කරමින් ජීවත් වෙන්න, නමුත් ආදරේ සොයමින් ජීවත් වෙන්න එපා!

ආදරේ සම්බන්ධ සංවාද වලදී ඔයා නිතරම රැඩිකල් වචන කිව්ව ගැටි මට මතක් වෙනවා...

"ආදරේ නම් ආදරේ තියෙයි මහන්සි වෙලා හොයන්න දෙයක් නෑ "කියලා 

ඒත් නන්දු මට ඔයා එහෙම කිව්වට ,

මතක තියා ගන්න 

රූස්ස ගස් කඩන් වැටෙනකොට සද්දේ ඇහුනට 

හිත් කඩන් වැටෙනකොට සද්දේ ඇහෙන් නෑ කියලා.

හිත් කියන්නේ වීදුරු වගේ බිඳෙන සුළුයි පරිස්සමෙන් භාවිතා කරන්න ඕනේ ...අද කාලේ වචන වලට අගයක් නෑ මොකද ගොඩක් මිනිස්සු බොරුකාරයෝ.... හැබැයි ආදරේ ඔප්පු කරන්න ඇත්තටම ආදරේ මනුස්සයෙක්ට බැරි නෑ ඒත් ඔප්පු කරලා දිනා ගන්න ආදරේකින් වැඩක් තියෙනවද ? කියලා අපි හෙට කතා කරමු

මීට,

කිඹුලී

124. ඔබට, ඔබ වීමේ මාර්ගය කපා ගත යුත්තේ ඔබමය!

 

සාමය කියන්නේ ඔබට රිදවන අයව තේරුම් ගැනීම මත තීරණය වන දෙයක් නෙවෙයි, වරදකාරී හැඟීමකින් තොරව ඔබම ඔබව තෝරා ගැනීමෙන් තීරණය වන දෙයක් කියලා මම ඉගෙනගෙන ගනිමින් ඉන්නවා. සමහර රටා, සමහර හැසිරීම් සහ යම් ශක්තියක් ඔබේ ජීවිතයේ සදහටම රැඳී සිටීමට අදහස් කරන්නේ නැහැ. එය සෑම තත්පරයකදීම වෙනස් වෙමින් කාලය සමඟ ඉදිරියට ඇදෙනවා ....

ඉතින් දැන් මම වෙනස් විදිහට ගමන් කරනවා. මට අහිමි වූ මාව සොයා ගැනීමේ අරගලයක සිටිනවා.මම ගෞරවය වෙනුවෙන් තර්ක කරන්නේ නැහැ, මම දැනටමත් ඉගෙන ගත් පාඩම් නැවත කියන්නේවත් කරන්නේවත් නැහැ, මම මම වීම මම  මගේ ආත්මය ආරක්ෂා කිරීම වැදගත් යැයි සිතෙනවා. මෙතනදී තමන්, තමන් වීම ආත්මය නිදහස් කරන බව මම තරයේ විශ්වාස කරනවා.

ඉතින්,ගහන ගල් එතැනම වැටි තිබෙන්නට හරිනවා මිස මම ජීවිතේදී තව දුරටත් මිනිස්සු ගහන ගල් එකතු කරන්නෙක් නොවෙමි. මන්දීර තැනීමට පවා අනුන් ගහපු ගල් නොගත යුතු බව මම තරයේ විශ්වාස කරනවා. 

තමන්ට,තමන් වීමට නිදහස් comfort zone එකක් ඉදි කිරීම තමන් විසින් කල යුතු දෙයක් මිස වෙන කිසිම කෙනෙකුට ඔබට යුක්තිය ඉටු කිරිමට නොහැකි බවද මම විශ්වාස කරනවා.

ඔබට, ඔබ වීමේ මාර්ගය කපා ගත යුත්තේ ඔබමය!

123. හොඳ මනුස්සයෙක් වෙන්න නම්

ඔබට ඇත්තටම වර්ධනය වීමට අවශ්‍ය නම්, වෙනත් කෙනෙකුගේ වේදනාව තේරුම් ගැනීමෙන් ආරම්භ කරන්න. එය ඇසීමෙන් පමණක් නොව, එය සැබවින්ම දැනීමෙන් පටන් ගන්න.සෑම කෙනෙකුම ඔවුන් පළ නොකරන සටන් සමඟ සටන් කරයි. සමහර විට ඔබට දිය හැකි හොඳම දේ මුදල් හෝ උපදෙස් නොවේ, එය ඔබේ කාලයයි. සැබෑ සංවාදයයි.නැවත ඇමතුමක්ද විය හැකිය. කෙනෙකු  බිමට පතිත වී ඇති බව දැන ගත් විට ඔවුන් සමඟ වාඩි වී සිටීන්න.

ඒ ආකාරයේ පැවැත්ම වෙනස් ලෙස බලපායි.

ජීවිතය සැහැල්ලුවෙන් දැනෙන්නට අවශ්‍ය නම්, ආත්මාර්ථකාමිත්වය අතහරින්න. සැමවිටම නිවැරදි වීම මිනිසුන් අහිමි කර ගැනීම වටින්නේ නැත. පළමුව සමාව ඉල්ලන්න. ඉක්මනින් සමාව දෙන්න. ආඩම්බරයට වඩා සාමය තෝරන්න. මාව විශ්වාස කරන්න, ඔබේ හදවත ඔබේ ආකල්පයට වඩා විශාල වූ විට ජීවිතය බොහෝ පහසු වේ.

හොඳ සමාව දෙන්නෙකු හොඳ සවන් දෙන්නෙකු හොදම ආත්මාර්ථකාමීත්වය බිඳින්නෙකු වන්න අපිට තව ජීවත් වීමට ඇත්තේ ඉතා කෙටි කාලයයි. එය සැහැල්ලුවෙන් ගත කරන්න.

122.එක්කෝ උබ එක්කෝ මම මිෂන් එක

 මට ඔය පොඩි කාලේ ඉදන් තිබ්බ හැකියාවක් තමා හැකරැල්ලෝ, පනුවෝ, ගෙම්බෝ , ඒ වගේම කැරපොත්තෝ කියන්නේ කිසි ගේමක් නැතුව අතේ තියන් වත්ත වටේට සංචාරයක් දාන්න පුළුවන් සත්තු ටිකක් ඒත් මේ කිව්ව සත්තු අතරින් එපාම කරපු සතා තමා කැරපොත්තා.

 ඔව් අපි අද කතා කරමු අතේ ගෑවුනාම වස ගඳක් එන ජරා  කැරපොතු වස්තුව ගැන 

ඉස්සර අපේ ගෙදර බාතෲම් එකේ ජනේලයක් වෙනුවට පොඩි කවුලු තියලා තමා බාතෲම් එක හදලා තිබ්බේ හැමදාම බාතෲම් එකට ගියොත් ශරිර කෘති ඉෂ්ඨ සිද්ද කර ගන්න වගේ එක සිප්පි කෑල්ලක් සයිස් කැරපොත්තෙක් හරි එනවා ...

ඔන්න ඔය දවස් වල මට මාරම උවමනාවක් තිබ්බා කැරපොතු සංහතියම නැති කරලා දාන්න, එක්කෝ උබලා එක්කෝ මම, ඕකුන් මා එක්ක  මාර ඇරියස් එකක් තිබ්බේ ඒ දවස් වල , ඒ නිසාම දවසක් මම තීරනයේ කලා "එක්කෝ උබ , එක්කෝ මම" මිෂන් එක කරන්න

 ඒ දවස් වල කැරපොත්තන්ට ගහන ස්ප්‍රේ එහෙම ආපු කාලේ  "මෝටින්" හරි "බේගෝන් " හරි  කඩෙන් අරන් ඇවිත් දරමඩුවෙන් පටන් අරන් වත්ත කෙලාවර තුත්තිරි යායට එනකම් ස්ප්‍රේ කරලා ටික වෙලාවකින්  ඔය  එන්නේ බල්ටි ද දා කැරපොත්තෝ ට්‍රම්ප් අප්පච්චි වගේ කැරපොතු ජනපද හොය හොය ස්ප්‍රේ ගැහැව්වේ , රංජන් බොසා සිංහල ෆිල්ම් වල  fight කරනවා වගේ තමා එදා සෑහෙන්න කැරපොතු ප්‍රහාරයක් දියත් කරලා එදා අන්තීමෙට ඒ කනපිට හැරුන හැම කැරපොත්තෙක්ම අභාවප්‍රාප්ත උනා. කරන්න දෙයක් නැ වීරයෝ දිනනවා දුෂ්ඨයෝ පරදිනවා!

එදා වැටිලා වෙරි වෙලා හිටිය කැරපොත්තෙක්  කිව්වේ මෙහෙම

අඩේ අඩේ අඩේ.... ( මන් පාටියකට යන්න නෙවේ යකෝ ඉන්න මුල්ලෙන් එලියට ආවේ උබලගේ හැසිරීම බලන්න- මීට පර්ෆියුම් වැදිච්ච කැරපොත්තා)😂😂

121.ආදරණිය විල් තෙරේ කිඹුලී

ආදරණීය විල් තෙරේ කිඹුලී,

       හැමදාම වගේ මන් ඔයාට ආදරෙයි කියලම පටන් ගන්නම්! ඒ වගේම සුබ අලුත් අවුරුද්දක් වේවා! ඉස්සර නම් මට ලියන්න ගොඩක් දේවල් තිබ්බා

    ඒත් , මන් හිතනවා අවුරුදු 7කට පස්සේ මට ලියන්න ආයෙත් ගොඩක් දේවල් තියෙනවා , මම ආදරේ කරපු හැටි මාව මිනිස්සු අතැරපු හැටි මම බඩ අල්ලන් හිනා උන හැටි අඬපු හැටි ජීවිතේ ආව සමහරක් කුණාටු වලදී මම නිහඬ උන හැටි ඒ විතරක් නෙවේ සමහර කුණාටු වලදී මිනිස්සු මාව අතැරපු හැටි වැටිලා ඉද්දි නැගිට්ටපු මිනිස්සු ගැන එහෙම  ලියන්න තියෙනවා....

ඒත් මේ ඒකට වෙලාව නෙවේ මන් ඔයාට එකින් එක හෙමීට ලියන්නම්...

පුංචි කන්දක් ටික ටික නාය ගිහින් විසල් කන්දක් වෙලා එකපාර නාය ගිය හැටිත් ඔයා දවසක දැන ගනි.මම වැරදි කාරයෙක් නෙවේ සමහර සිද්ධි නිසා මට මෙහෙම උනා කියලා තමා"A" කිව්වේ. 

අපි ආයේ පටන් ගමු අපිට ආදරෙන් ඉස්සරහට යන්න ඉතින් මම ඔයාට ආදරෙයි මගේ ලස්සන ළමයෝ